كەزٸندە قازاق ساحناسىندا "جۇلدىزىم" ەنٸمەن جۇلدىزى جانعان "نۇرلان مەن مۇرات" دۋەتٸنٸڭ ەنشٸسٸ نۇرلان ەمٸروۆتٸڭ قازٸرگٸ جاعدايى تۋرالى ۆيدەو تارادى, دەپ حابارلايدى ult.kz.
تيكتوك ەلەۋمەتتٸك جەلٸسٸندە تاراعان ۆيدەودا نۇرلان ەمٸروۆتٸڭ قازٸر دەنساۋلىعى سىن كٶتەرمەيتٸنٸ ايتىلادى.
"نۇرلان اعامىزدىڭ اياعى ارنايى توك اپپاراتتارىمەن عانا جٷرەدٸ", - دەگەن ۆيدەو اۆتورى ەنشٸنٸڭ ٷيٸندەگٸ كٶرٸنٸستٸ جارييالادى.
ۆيدەودا نۇرلان ەمٸروۆ بٸرنەشە قۇرىلعىدان تۇراتىن اپپاراتتى دەنەسٸنە تاعۋ ارقىلى عانا قوزعالىس جاساي الاتىنى ايتىلادى.
"مٸنە, دەنەمدە وپەراتسييا جاسالعان تىرتىق تا بار. مىناۋ اپپارات بولماسا, سۆەت ٶشٸپ قالسا, جٷرە المايمىن", - دەگەن ەنشٸ ٶزٸن كٷتٸپ-باپتاپ وتىرعان ەيەلٸنە دە العىس ايتتى.
ەنشٸنٸڭ مىنا جاعدايىن كٶرگەن جۇرت "وڭاي ەمەس", "تەز ساۋىعىپ كەتسٸن" دەپ پٸكٸر جازۋدا.
