Ánshi Altynai Jorabaevanyń qyzyna ázirlengen jasaý áleýmettik jelide qyzý talqylanyp jatyr, dep habarlaidy ult.kz.
Jelide taraǵan aqparatqa sáikes, jas otbasyǵa berilgen dúnie-múliktiń jalpy quny shamamen 100 million teńgege baǵalanǵan.
Ánshiniń qurbysy jariialaǵan videoda uzatylǵan qyzǵa arnalǵan jasaýdyń kólemi óte aýqymdy ekeni kórsetilgen. Onyń aitýynsha, kúieý jigitke ákesi 200 sharshy metrlik páter syilaǵan.
Jańa baspanany jabdyqtaýǵa qajetti kilem, jihaz, ydys-aiaq jáne basqa da turmystyq zattar da jas jubailarǵa berilgen. Alaida barlyq dúnie jańa úige birden jetkizilmegen.
Videodaǵy málimet boiynsha, kórsetilgen zattar ázirlengen jasaýdyń shamamen 10 paiyzy ǵana. Al qalǵan dúnieler keiin jetkizilmek.
«Altynai Jorabaevanyń qyzynyń jasaýyna shamamen 100 million teńge ketti. Jigitke ákesi 200 sharshy metrlik páter syilady. Páterdiń ishin kilem, jihaz, ydys-aiaqpen tolyq jabdyqtady. Biz qazir jasaýdyń 10 paiyzyn ǵana alyp keldik», – dedi ánshiniń qurbysy.
Jeli qoldanýshylary jasaýdyń kólemi men qunyna qatysty túrli pikir bildirip jatyr.
