Qazaqstandyq jýrnalist ári telejúrgizýshi Anna Danchenkonyń anasy Svetlana ómirden ótti. Qaraly habardy jýrnalist áleýmettik jelidegi paraqshasynda bólisti, dep habarlaidy ult.kz.
Anna Danchenko anasynyń qazasyn aýyr qabyldaǵanyn aityp, oǵan arnap júrek tebirenterlik jazba jariialady.
«Mama, sen jai ǵana uiyqtap jatyrsyń ǵoi, iá? Mama! Sen meni múlde jalǵyz qaldyrdyń. Múlde jalǵyz… Sensiz bos páterde qarańǵy. Men seniń ákemdi saǵynǵanyńdy bilemin, biraq men she? Janymaý, mama, nege?» – dep jazdy telejúrgizýshi.
Buǵan deiin Anna Danchenko anasynyń densaýlyǵy kúrt nasharlaǵanyn habarlaǵan edi. 20 tamyzda jýrnalist anasynyń aýrýhanaǵa túskenin aityp, kópshilikten duǵa etýdi suraǵan.
Al 26 tamyzda ol anasynyń jaǵdaiy óte aýyr ekenin, jansaqtaý bóliminde jatqanyn jazdy. Annanyń aitýynsha, anasy operatsiiadan keiin de myqtylyq tanytyp, ómir úshin kúresken.
Jýrnalist anasy ómirindegi eń jaqyn adamy ári basty tiregi bolǵanyn aitqan. Ákesinen aiyrylǵannan keiin anasy úshin myqty bolýǵa tyrysqanyn jetkizgen Anna endi ózin jalǵyz qalǵandai sezinetinin jazdy.
