Qazaqstannyń Túrkiiadaǵy Elshisi Abzal Saparbekuly Ankaranyń ANKASAM zertteý ortalyǵynyń uiymdastyrǵan jiynynda Qazaqstan Respýblikasynyń Prezidenti Qasym-Jomart Toqaevtyń halyqqa joldaýyna qatysty «Qazaqstan Prezidenti Qasym-Jomart Toqaevtyń halyqqa joldaýy: júieli reformalardy jalǵasy» taqyrybynda baiandama jasady.
Jiynǵa Mehmet Seifettin Erol bastaǵan ANKASAM ujymy men BAQ ókilderi qatysty, dep habarlaidy "Ult aqparat" Syrtqy ister ministrliginiń baspasóz qyzmetine silteme jasap.
Jiynda sóz sóilegen ANKASAM zertteý ortalyǵynyń basshysy professor dok. Mehmet Seifettin Erol, Túrkiia men Qazaqstan arasyndaǵy yntymaqtastyq odan ári jalǵasyn tabatyndyǵyna senim bildirdi.
Túrik áleminiń bolashaqta keń geografiiada mańyzdy ról atqaratynyna nazar aýdarǵan Erol: «Myqty Qazaqstan - myqty túrik álemi. Ol kúsh túrik áleminiń geosaiasatynyń tiregi. Ankara-Nur Sultan osy geosaiasattyń negizgi osin quraidy» dedi.
Atalǵan jiynǵa qatysty Túrkiianyń aqparattyq quraldarynda biraqatar jańalyq jaryq kórdi.
