Belgili jýrnalist ári telejúrgizýshi Anna Danchenko anasynyń densaýlyǵyna alańdap, áleýmettik jelidegi paraqshasynda júrek tebirenterlik jazba jariialady. Ol anasynyń qazir aýyr jaǵdaida jatqanyn aityp, oǵan degen sezimi men qorqynyshyn bólisti, dep habarlaidy ult.kz.
Jýrnalist jazbasynda ózin ómir boiy myqty bolýǵa tyrysqan adam retinde sipattady. Onyń aitýynsha, ata-anasy úshin qoldan kelgenniń bárin jasaýǵa, olardyń maqtanyshy bolýǵa umtylǵan. Sebebi ata-anasynyń ómirinde qiyndyq kóp bolǵanyn kórip ósken.
Anna Danchenko eseigende ata-anasyna qamqor bolyp, olardyń jasaǵan jaqsylyǵyn qaitarýdy armandaǵanyn aitty. Alaida ol ákesinen tym erte aiyrylyp qalǵan.
«Ákem sonshalyqty tez ketti, men áli kúnge deiin ol Aralda turyp jatqandai, al biz anam ekeýmiz Almatyda júrgendei sezinemin», – dep jazdy ol.
Jýrnalist balalyq shaǵyn da eske aldy. Onyń sózinshe, ata-anasy qansha qiyndyq kórse de, balalaryna ony bildirmei, árdaiym mahabbat pen qamqorlyq kórsetken.
Anna anasynyń óz ómirindegi erekshe ornyn atap ótti. Ol anasynyń árdaiym qoldaý kórsetip, jetistikterine qýanyp, batasyn berip otyrǵanyn jazdy.
«Anashym, sen – meniń ómirimsiń. Qudaidyń meni seniń qyzyń etip tańdaǵanyna sondai rizamyn. Sen – meniń qorǵaýshy perishtemsiń», – dedi jýrnalist.
Qazir Anna anasynyń janynda otyryp, ony qushaqtap, sóilese almai otyrǵanyn aýyr qabyldap júrgenin jetkizdi. Ol anasynyń tynys alyp jatqanyn sezip, ózin estip jatqan shyǵar degen úmitpen otyrǵanyn aitty.
Jýrnalist anasynyń qolyn erekshe saǵynyshpen sipattady. Onyń aitýynsha, bul – ony bala kezinen jetelegen, qulaǵan kezde súiegen, aýyrǵanda mańdaiynan sipaǵan aiaýly qol.
«Ákemnen aiyrylǵan soń bir qanaty synǵan qustai boldym. Biraq sen úshin bir qanatymmen ushýǵa tyrystym. Al qazir sol qanatym da synǵandai», – dep jazdy Anna.
Jazbasynyń sońynda jýrnalist anasyna ómir úshin kúresýdi ótinip, ony qanshalyqty jaqsy kóretinin jetkizdi.
«Anashym, ótinemin, ketpeshi! Sensiz men usha almaimyn. Anashym, men seni qatty jaqsy kóremin!» – dep jazdy ol.
