A.N. Syzǵanov atyndaǵy UǴHO tájikstandyq meditsinalyq uiymmen seriktestik týraly memorandým bekitti, dep habarlaidy "Ult aqparat".
19-20 jeltoqsan aralyǵynda Dýshanbede Tájikstandaǵy qazaqstandyq meditsina kúnderi ótedi.
Bul is-sharanyń maqsaty — Qazaqstan men Tájikstannyń densaýlyq saqtaý júieleriniń arasyndaǵy áriptestikti kúsheitý, meditsinalyq uiymdardyń ózara árekettestigin nyǵaitý, eki el azamattaryna kórsetiletin meditsinalyq kómek sapasynyń qoljetimdiligin qamtamasyz etý maqsatynda tájiribe jáne bilim, sondai-aq innovatsiialarmen jáne tehnologiialarmen almasý.
QR Densaýlyq saqtaý vitse-ministri Oljas Amangeldiuly Ábishev bastap barǵan qazaqstandyq delegatsiianyń quramynda 30-dan astam jetekshi meditsinalyq klinikalar, beiindi meditsinalyq uiymdar, farmatsevtikalyq óndirýshiler, meditsinalyq JOO-lar, Qazaqstannyń densaýlyq saqtaý salasyndaǵy konsalting kompaniialar jáne IT ókilderi bar.
A.N. Syzǵanov atyndaǵy Ulttyq ǵylymi hirýrgiia ortalyǵyn atalmysh uiymnyń jetekshi mamandary tanystyrdy. Ortalyq delegatsiiasyn Basqarma tóraǵasy Baimahanov Bolatbek Bimendeuly bastap bardy.
Forýmnyń joǵary sessiiasynda Baimahanov Bolatbek Bimendeuly «Qazaqstan Respýblikasyndaǵy organdyq transplantatsiia» taqyrybynda baiandama jasady.
Osy is-sharanyń aiasynda A.N. Syzǵanov atyndaǵy Ulttyq ǵylymi hirýrgiia ortalyǵy Tájikstan Respýblikasynyń Ulttyq ǵylymi aǵzalardy jáne tinderdi transplantatsiialaý ortalyǵymen seriktestik týraly memorandým bekitti.
Forýmnyń ekinshi kúni birneshe sheberlik sabaqtary ótkiziledi dep josparlanyp otyr.
Ortalyqtyń joǵary sanatty dárigerleri tájikstandyq áriptestermen birge týystyq baýyr transplantatsiiasyn, mehanikalyq sary aýrý sindromy kezindegi endoskopiialyq aralasýlardy, sondai-aq aritmiianyń túrli formalary kezindegi endovaskýliarlyq otalardy jasaityn bolady.
