«Ámire» filmi Niý-Iorkte ótetin Woodstock kinofestivaline qatysady. Bul týraly QR Mádeniet jáne sport ministri Arystanbek Muhamediuly Feisbýktegi paraqshasynda jazdy, dep habarlaidy "Ult aqparat".
«QR DAR Play kompaniiasy túsirgen «Ámire» filmi Niý-Iorkta ótetin Woodstock kinofestivaline qatysatyn boldy. «Ámire» kinotýyndysy jaqynda Grýziiada ótken Golden eye kinofestivaline qatysyp, aitarlyqtai tabysqa jetip, operator Maksim Osadchii Panasonic kompaniiasynyń arnaiy syilyǵyn ielendi», - dep jazdy ministr.
Arystanbek Muhamediulynyń paiymynsha, qazaqstandyq kartinanyń mundai deńgeidegi kinofestivalge qatysýy - maqtan tutarlyq jetistik.
«Qiyn-qystaý zamanda qazaq ónerin álemge pash etip, 1925 jylǵy Búkilálemdik mýzykalyq konkýrsqa qatysyp, Parijdi tamsandyrǵan ánshimiz Ámire Qashaýbaev týraly túsirilgen «Ámire» týyndysy qazylar júregine jol taýyp, júldemen oralady dep úmittenemin. Sáttilik tileiik, dostarym!», - dep atap ótedi ol.
Buǵan deiin, «Ámire» filminiń operatory Maksim Osadchii Tbliside ótken Golden Eye halyqaralyq kino- jáne teleoperatorlar festivalinde Panasonic kompaniiasynyń arnaiy júldesine ie bolǵany habarlaǵan edik.
