AQSh-tyń Joǵarǵy soty Niý-Iorkte qoǵamdyq oryndarda jasyryn atys qarýyn alyp júrýdi shekteitin zańnyń kúshin joidy, dep habarlaidy QazAqparat Deutsche Welle-ge silteme jasap.
Sot organy zańnama aktisi AQSh Konstitýtsiiasynyń ekinshi túzetýde engizilgen «qarýdy saqtaý jáne alyp júrý» quqyǵyn buzǵanyn atap ótti.
Sýdialardyń sheshimi adamdardyń Niý-Iork kóshelerinde jáne Los-Andjeles pen Boston siiaqty basqa da iri qalalarda zańdy túrde qarý alyp júrýine múmkindik bermek.
Bul – AQSh Joǵarǵy sotynyń on jyldan astam ýaqyt ishinde qarý-jaraq týraly qabyldaǵan alǵashqy iri sheshimi. Ol jaqynda bolǵan jappai atystardan keiin qabyldanyp otyr.
Niý-Iork qalasynyń meri Erik Adams bul sheshimnen týyndaityn qaýipti azaitý úshin jumys isteitinin jáne shahardyń «Jabaiy Batysqa» ainalýyna jol bermeitinin málimdedi.
AQSh prezidentiniń ákimshiligi sýdialardy Niý-Iork zańyn saqtaýǵa shaqyrdy. Djo Baiden «qatty kóńili qalǵanyn» aitty. Ol azamattardy qarý-jaraq qoldanylatyn zorlyq-zombylyqtan qorǵaý úshin «esti» zańdar qabyldaýǵa shaqyrdy.
