Almaty oblysynyń ákimi, «Nur Otan» partiiasy óńirlik filialynyń tóraǵasy Amandyq Batalov turǵyndardy partiia praimerizine qatysýda belsendilik tanytýǵa shaqyrdy, dep habarlaidy "Ult aqparat".
«Qurmetti Almaty oblysynyń turǵyndary! Elimizde biylǵy jyldyń 17 tamyzynan «Nur Otan» partiiasynyń praimerizi bastaý aldy. Elbasy Nursultan Ábishuly Nazarbaevtyń tapsyrmasy boiynsha – partiialyq-saiasi damý tarihynda tuńǵysh ret respýblikalyq partiiaishilik praimeriz ótedi.
Praimeriz partiia belsendilerin ashyq tańdaý arqyly Parlament Májilisindegi jáne barlyq deńgeidegi máslihattardaǵy tiimdi depýtattyq korpýsty odan ári qalyptastyrý, partiialyq ilgeriletý, memlekettik organdardaǵy laýazymdarǵa usyný úshin básekelestik kúres negizinde naqty jáne myqty kóshbasshylardy anyqtaý maqsatynda ótkizilip otyr», - dedi Almaty oblysynyń ákimi.
Praimerizge ótinish bildirgen úmitkerlerdi tirkeý 17 - 28 tamyz aralyǵynda júrgiziledi. Odan keiin, 7 qyrkúiekten 3 qazanǵa deiin kandidattardyń úgit jumystary ótkiziledi. Sonymen qatar 14-30 qyrkúiek aralyǵynda jariia pikirsaiystar ótkizý qarastyrylǵan.
«Ókinishke qarai, búgingi tańda koronavirýs pandemiiasy ómirimizdiń barlyq salasyna áser etýde. Bul ishki saiasi protsesterdi de osyǵan beiimdeýdi talap etedi. Óitkeni azamattarymyzdyń densaýlyǵy men ómirin qorǵaý barshamyz úshin de negizgi basymdyq sanalady. Osyǵan orai, partiiaishilik sailaýda onlain-formatta daýys berý mehanizmi qalyptastyryldy. Pikirsaiystar partiianyń resmi akkaýnttarynda taratylatyn «Praimeriz» aqparattyq júiesi arqyly ótkizilmek», - dep túsindirdi A.Batalov.
Úmitkerler praimerizge qatysý úshin primaries.kz saity nemese óz turǵylyqty mekenjaiy boiynsha aýmaqtyq partiia filialynda aqparat ala alady.
«Jalpy, óńirimizde 93 myńǵa jýyq partiia múshesi bar. Onyń 70% jýyǵyn áielder, 15% jýyǵyn belsendi jastar qurap otyr. Soǵan sáikes Májilis pen jergilikti máslihattarda osy azamattar arasynan jastar 20%, áielder qaýymy 30% bolýyna múmkindik jasalyp otyr. Endigi kezek jetisýlyq azamattardyń saiasi belsendiligi men kóshbasshylyq qasietterin kórsete bilýinde.
Praimerizdiń qorytyndy kezeńinde - 1-3 qazan aralyǵynda jetisýlyq nurotandyqtar mobildik qosymsha jáne arnaiy veb-portal arqyly elektrondy daýys bere alady. Daýys berýdiń sońǵy kúni (3 qazan) bastaýysh partiia uiymdarynyń bazasynda daýys berý ýchaskeleri ashylady. Internet bailanysy qiyndyq týdyrǵan eldi meken turǵyndary daýys berý ýchaskelerine kelip, qaǵaz biýlletender arqyly daýys berýge bolady.
Egerde el damýy jolynda oń ózgeristerge qadam basqyńyz kelse, Sizdi jarqyn bolashaq úshin partiialyq praimerizge qatysýǵa shaqyramyn», - dep túiindedi Almaty oblysynyń ákimi,
«Nur Otan» partiiasy oblystyq filialynyń tóraǵasy A.Batalov
