Almaty oblysynyń ákimi Amandyq Batalov dárigerlerdi bir silkip aldy dep, habarlaidy QazAqparat tilshisi.
Qarasai aýdanyndaǵy aýrýhanada bir aptanyń ishinde eki birdei sábidiń shetineýi oblys basshysynyń ashýyn týǵyzdy. Osy keleńsiz oqiǵaǵa bailanysty búgin oblys ákimdiginde shuǵyl túrde jiyn ótti.
Oblys basshysy alǵashqyda Almaty oblysynda úshem dúniege kelgende qýanyshpen qabyldaǵanyn aitty. Alaida, ákimniń qýanyshy kópke sozylmady.
Úshemniń biri shetinep ketken. Batalov, myrzaǵa aqtalǵan Qarasai aýdanyndaǵy ortalyq aýrýhananyń bas dárigeri Sáýle Saýranbaeva úshemniń anasy buǵan deiin jeti bala týǵanyn aityp jáne ol balalardyń arasy 1,5 jyldan ekenine de toqtaldy.
Demek, úshemniń anasynyń densaýlyǵy áli tolyqtai qalpyna kelmegen degen oiyn bildirdi. Sondai-aq úshemder 7 ailyq ekenin de atap ótti.
Biraq, bul jaýap ákimniń odan saiyn ashýyn týǵyzdy. Shetinegen sábidiń salmaǵy 1,5 keli bolǵan. Al, Batalov myrza qazirgi zamanda 400 gramdyq sábidiń de ómirin saqtap qalýǵa bolatynyn qadap aitty.
Sondai-aq oblys basshysy minbege shyǵyp, mereke men jinalys dese qos ókpesin alyp júgiretin densaýlyq saqtaý salasyna tikelei jaýapty jetekshiden bastap, basqarma basshysyn naqty jumys isteýdi mindettedi. Jáne bir aptanyń ishinde eki birdei balanyń shetinep ketýine bailanysty shara qoldaný úshin 10 kún ýaqyt berdi.
Sonymen qatar, oblys basshysy 25 jeltoqsannan keiin biraz ózgeris bolatynyn da jasyrmady. Jumys istei almaityndarǵa shara qoldanamyn dep qadap aitty.
