Óńirlerdegi jurtshylyq Qasym-Jomart Toqaevtyń Qazaqstan Respýblikasynyń Prezidenttigine usynylýyn qoldaidy. Bul partiianyń kezekten tys XXIV Sezi men Halyqtyq koalitsiia forýmynyń qorytyndysyn talqylaý barysynda belgili boldy, dep habarlaidy "Ult aqparat".
Almatyda Sezd delegattary men forýmǵa qatysýshylar «Jastar Rýhynyń» qaladaǵy belsendilerimen kezdesti. Qazaqstan Volonterler ligasynyń basshysy Nursultan Bekqairov Qasym-Jomart Toqaevtyń kandidat retinde bir uiymnan emes, búkil Halyqtyq koalitsiiadan usynylýy Ádiletti Qazaqstandy qurý úshin túrli kózqarastar men múddeler, túrli senimderdegi adamdar birigýge daiyn ekendigin aiǵaqtaitynyn atap ótti.
«Jastar Rýhy» Almaty qalalyq filialynyń tóraǵasy Ákejan Keńesov partiia Memleket basshysynyń qoǵamdyq tiregi retinde qazaqstandyqtardy saiasi jáne ekonomikalyq reformalardy tabysty iske asyrý úshin biriktirýge qabiletti eldegi sanaýly uiymdardyń biri dep esepteidi.
«Sezde sóilegen sózinde «AMANAT» Tóraǵasy Erlan Qoshanov partiiadan Qasym-Jomart Toqaevtyń kandidatýrasyn usyndy. Delegattar bul sheshimdi biraýyzdan qoldady. Sondai-aq, Sezd barysynda delegattar jańa Saiasi tuǵyrnamany bekitti», - dedi ol.
Qaraǵandydaǵy oblystyq aýrýhana alańynda belsendi pikirtalas ótti. Meditsinalyq mekeme ujymy búginde beibitshilik pen kelisimdi saqtaý burynǵydan da ózekti ekenine senimdi. Sondyqtan da olar aldaǵy sailaýda Qasym-Jomart Toqaevty eń tiimdi, ári laiyqty kandidat dep esepteidi.
«Men sailaýdyń birinshi kezekte ashyq, ádil ótkenin qoldaimyn. Qazaqstan búginde postkeńestik keńistiktegi turaqtylyq ornaǵan el bolyp otyr. Elimiz kópultty, eger biz birge sheshim qabyldasaq, bári jaqsy bolady. Eń bastysy, beibitshilik», - dedi reprodýktolog-ginekolog Lali Pak.
Aqtaýda «Kaspii jylý sý arnasy» eńbek ujymymen «AMANAT» partiiasy Mańǵystaý oblystyq filialynyń atqarýshy hatshysy Nurbek Qarasaev kezdesti. Ol jinalǵandarǵa Sezd jumysynyń nátijeleri, jańa Saiasi tuǵyrnamanyń qabyldanǵany jáne aldaǵy prezidenttik sailaýǵa daiyndyq týraly aityp berdi.
«Men Sezdiń delegattary, «AMANAT» partiiasynyń músheleri Memleket basshysyn partiianyń kandidaty retinde belsendi qoldaýǵa bel býǵanyna senimdimin», - dedi ol.
