«AMANAT» partiiasynda «Baqytty otbasy» partiialyq jobasy aiasyndaǵy «Balany mektepke daiarlaiyq!» jalpyrespýblikalyq qaiyrymdylyq aktsiiasy qorytyndylandy. Dástúrli túrde ótkiziletin bul aktsiianyń basty maqsaty – kópbalaly jáne az qamtylǵan otbasylarǵa balalaryn 1 qyrkúiekke daiyndaýǵa kómektesý.
Aktsiiaǵa partiianyń Ortalyq apparaty men aimaqtyq filialdarynyń qyzmetkerleri, partiia depýtattary, bastaýysh partiia uiymdarynyń músheleri qatysty. Osylaisha, el aýmaǵyndaǵy 42 myńnan astam bala mektep formasyn, riýkzaktar men keńse taýarlaryn aldy.
«Balany mektepke daiarlaiyq!» qaiyrymdylyq aktsiiasy búgin aiaqtalyp otyr. Sonyń aiasynda barlyq óńirdegi partiia músheleri balalardy jańa oqý jylyna daiyndaýǵa atsalysty. Amanattyqtar 23 myńnan astam otbasynyń 42 myń oqýshysyn mektep formasymen, oqýlyqtarmen, riýkzaktarmen jáne keńse taýarlarymen qamtamasyz etti. Bul Memleket basshysynyń áleýmettik qiyn jaǵdaiǵa tap bolǵan balalar men otbasylardy qoldaý jónindegi baǵyt-baǵdaryn júzege asyrýǵa «AMANAT» partiiasynyń qosqan úlesi. «Balany mektepke daiarlaiyq!» aktsiiasy bul bir ret qana ótkiziletin is-shara emes. Qazaqstandyqtardyń ál-aýqatyn arttyrýǵa baǵyttalǵan partiianyń aýqymdy júieli jumysynyń bir bóligi», – dep atap ótti Erlan Qoshanov.
Partiia tóraǵasy «Baqytty otbasy» partiialyq jobasy aiasynda 2022 jyldyń birinshi jartyjyldyǵynda ǵana 13 myń adam jumysqa ornalastyrylǵanyn, 37 myń otbasyna AÁK resimdeýge kómek kórsetilgenin jáne 49 myń otbasyna birjolǵy áleýmettik kómek tólengenin atap ótti. 146 otbasy turǵyn úimen qamtamasyz etildi.
Sonymen qatar, «AMANAT» partiiasy óziniń sailaýaldy baǵdarlamasyn júzege asyrý aiasynda balalardyń bilim alýyna laiyqty jaǵdai jasaý baǵytynda aýqymdy jumys atqarýda. Ol úshin 2022 jyldyń sońyna deiin 214,5 myń oryndyq 225 jańa mektep paidalanýǵa beriledi. Al jańa oqý jylynyń basynda 37 myń oryndyq 81 jańa mektep ashylýǵa daiyn.
«Balany mektepke daiarlaiyq!» aktsiiasyn el aýmaǵyndaǵy barlyq partiialyqtar qoldady. Máselen, Mańǵystaý oblystyq máslihatyndaǵy «AMANAT» partiiasynyń depýtaty Nájimeden Gýbashov Munaily aýdanynyń 1000 oqýshysyna mektep formasy jiyntyǵyn, keńse taýarlary men riýkzaktar tabys etti.
«Halyqtyń áleýmettik osal tobynan shyqqan balalardyń oqýǵa bastar qadamy qýanyshqa toly bolýy úshin olardy mektepke daiarlap, jan-jaqty kómek kórsetý isinde árkim azamattyq belsendilik tanytatynyna senimidimin. Salaýatty, sátti ári baqytty ómir negizi balalyq shaqta qalandy. Balalardyń damýyna qoldaý kórsetý – qoǵamnyń basty maqsaty. Olar – gúldengen, táýelsiz memleketti qurýshylar», – dedi ol.
Qaraǵandy óńirinde bes bala tárbielep otyrǵan oblys ortalyǵynyń turǵyny Gúlnar Seiitomar da partiialyqtardyń kómegin kórdi.
«Aktsiia bastaý alǵan sátte birden «AMANAT» partiiasyna kómek surap júgindim. Balalarymnyń barlyǵy mektep oqýshylary. Bul qoldaý men úshin úlken kómek boldy. Sebebi jańa oqý jyly bastalar tusta bári qymbattap ketti», – dedi ol.
Shymkentte qalalyq máslihattyń depýtaty, «AMANAT» fraktsiiasynyń múshesi Jadyra Tańatarova alty balany jalǵyz tárbielep otyrǵan kópbalaly ana, II toptaǵy múgedek Nargiza Artyqqojaevaǵa bardy.
«Partiia kópbalaly otbasylarǵa kómek kórsetip, búldirshinderdiń ózin jaily sezinýi, sabaqtan qalmaýy úshin teń jaǵdai jasaýǵa tyrysatyny qýantady», – dedi Nargiz Artyqqojaeva.
Abai oblysynda óńirdiń jaqynda qurylǵanyna qaramastan, jergilikti partiialyqtar igi isten shet qalmai, aktsiiaǵa belsendi túrde qosyldy. Jaqynda oblystyq máslihattaǵy «AMANAT» fraktsiiasynyń múshesi Ásemqan Dosqojanov mai ekstraktsiialaityn zaýyt qyzmetkerleriniń balalaryna mektep formasyn tabystady.
«Meniń bes balam bar. Otbasymyzda tek kúieýim ǵana jumys isteidi. Sondyqtan partiiadan kómek suradym. Ótinishim jerde qalǵan joq. Uiymdastyrýshylarǵa alǵysym sheksiz. Balalarymyzǵa sporttyq kiimder, oqý quraldary bar sómkeler syiǵa tartyldy. Mundai kómekti kóp otbasy kórdi», – dedi Semei qalasynyń turǵyny Qarlyǵash Túsipova.
Partiialyq «Balany mektepke daiarlaiyq!» qaiyrymdylyq aktsiiasy dástúrge ainalyp, osymen 12 jyl qatarynan ótkizilip keledi.
