Kompozitor Altynbek Qorazbaevtyń otyrystardyń birinde erekshe bata bergen videosy tarap, kópshiliktiń kóńilin kóterdi, dep jazady KAZ.NUR.KZ.
Altynbek Qorazbaevtyń qatysýymen bolǵan video Instagram jelisindegi qaz.stars paraqshasynda jariialanǵan. Onda kompozitordyń dastarhan basynda bata berip jatqanyn kórýge bolady. Ol óz batasyna birqatar óner juldyzyn qosty.
"Kenjebektiń shashyn bersin. Muqasannyń qasyn bersin. "Dieta KZ" tobynyń kólemin bersin. Maral Ámirbektiń óleńin bersin. Maqpaldyń kúlkisin, Meirambektiń uiqysyn bersin. Orazamyz qabyl bolsyn. Qazaǵymyz aman bolsyn", - dedi Qorazbaev.
Ánshiniń bul batasyna tánti bolǵan kópshilik jelide oǵan túrli pikir bildirip jatty.
"Tamasha ázil", "Keremet zamanaýi bata", "Jaqsy, qaljyńy aralas bata ǵoi. Ersi esh nárse kórip turǵam joq", "Altynbek myrzanyń tembrin bersin", "Ádemi aitylǵan. Maǵan unady", "Altynbek aǵa, qatyrdyńyz. Dál aitqansyz", - dep jazdy oqyrmandar.
