«Altyn tobylǵy» respýblikalyq ádebi baiqaýynyń jeńimpazdary anyqtaldy, dep habarlaidy QazAqparat.
Elimizde ádebi salada qabiletin kórsetken shyǵarmashylyq daryndy jastar az emes.
Buǵan «Altyn tobylǵy» respýblikalyq baiqaýynyń qorytyndysy dálel. Biyl jetinshi ret ótkizilgen saiysqa jas aqyndar men jazýshylardyń 156 shyǵarmasy usynyldy.
Bul zamanaýi konkýrs qazaqstandyq ádebietti damytýǵa, jas qalamgerlerdi qoldaý men shyǵarmashylyǵyn nasihattaýǵa baǵyttalǵan.
Qatysýshylar bes nominatsiianyń biriniń jeńimpazy atanýǵa baryn saldy.
«Altyn tobylǵy» baiqaýy jyl saiyn elimizdiń barlyq óńirinen daryndy ádebietshilerdi anyqtaidy. Bul shyǵarmashylyq jastarǵa qajetti eń suranysqa ie jobanyń biri. Qatysýshylar eńbeginde halyqtyń qundylyǵyn, tarihyn, mádenietin, adamgershilik qasietin, táýelsizdik kezindegi qazaqstandyqtardyń jetistigin, egemen Qazaqstannyń damýyndaǵy Tuńǵysh Prezidenttiń rólin kórsetti. Baiqaýǵa qatysyp, qyzyqty dúnieler kórsetkeni úshin árbir avtorǵa alǵys aitamyz. Sizderdiń eńbegińiz zamanaýi ádebietti oqýǵa, rýhani qundylyqtardy nyǵaitýǵa degen qyzyǵýshylyqtyń artýyna yqpal etedi», - dep erekshe atap ótti Nursultan Nazarbaev qory atqarýshy direktorynyń orynbasary Álkei Marǵulanuly.
Baiqaý jeńimpazdary:
- «Jyldyń úzdik prozasy» nominatsiiasy Jámila Abdýllaeva («Uiat, qyzym!» romany);
- «Jyldyń úzdik poeziiasy» - Dúisenáli Álimaqyn («Kúzgi keshte gúl esiner»);
- «Jyldyń úzdik dramatýrgiiasy» - Álisher Aitýar («Illiýziia»);
- «Jyldyń balalarǵa arnalǵan úzdik shyǵarmasy» - Jadyra Baibulanova («Áshekei»);
- «Qazaqstan Táýelsizdiginiń 30 jyldyǵyna arnalǵan úzdik týyndy» - Shapaǵat Ábdiruly.
«Qazaqstan Táýelsizdiginiń 30 jyldyǵyna arnalǵan úzdik týyndy» nominatsiia iesi 3 mln. teńge, al qalǵan jeńimpazdarǵa 2 mln teńge tabys etildi.
