Atyraý oblysynda ótip jatqan «Ulyq ulys – Altyn Orda» atty halyqaralyq ǵylymi-praktikalyq konferentsiianyń paneldik otyrystary bastaldy, dep habarlaidy QazAqparat tilshisi.
Túrkiia, AQSh, Japoniia, Ýkraina, Resei jáne Qazaqstan ǵalymdarynyń basyn qosqan aýqymdy konferentsiia taqyryptyq mazmunyna orai 5 panelge bólingen.
Memleket tarihy institýty direktorynyń orynbasary, akademik, tarih ǵylymdarynyń doktory Búrkitbai Aiaǵan moderatorlyq etetin 1-panel «Alty Orda dáýiriniń mádeni murasy tarihi derekterde» degen taqyrypqa arnalmaq.
Bul panelde Qazaqstannyń óz ǵalymdarynan bólek Japoniia, Ýkraina, Resei ǵalymdary baiandama oqidy.
Tarih ǵylymdarynyń doktory, professor Madiiar Eleýov moderatorlyq etetin 2 panelde «Arheologiialyq qundylyqtardyń tarihi mańyzy» degen taqyryp talqylanady.
Konferentsiianyń 3-paneli «Ulyq ulys dáýiri folklorynyń erekshelikteri» degen taqyrypqa arnalsa, 4-panel Qasym han men Saraishyqtyń qazaq memlekettiligine qosqan úlesi týraly baiandamalar talqyǵa túsedi.
5-panel sýretshiler plenerine arnalyp otyr. Qazaqstannyń Eńbek sińirgen qairatkeri Iliia Jaqanov bastaǵan qylqalam sheberleri men dizainerler Altyn Orda órkenietin nasihattaityn týyndylaryn ortaǵa salady.
