«Altyn emel» ulttyq tabiǵi parkinde kekilik, ular, sondai-aq ilespe qanattylar siiaqty jyrtqysh qustardy esepke alý júrgizildi. Bul týraly QR AShM Orman sharýashylyǵy jáne janýarlar álemi komitetiniń baspasóz hatshysy Sáken Dildahmet Feisbýktegi paraqshasynda jazdy, dep habarlaidy QazAqparat.
Zoologiia institýtynyń kásibi ornitolog mamany qoryqtan sirek kezdesetin qustardy tapty.
«Úlken Qalqan taýlarynda quz kepterlerdiń uialaityn mekeni alǵash ret tirkeldi. Eger buryn qyzǵylt birqazandar men suńqyldaq aqqýlar kezdesken bolsa, qazir buira birqazandar men qiqyldaqtar tabyldy. Olar Qyzyl kitapqa engen qustar. Bular osy saiabaqtaǵy qustardyń tiziminde bolǵanymen, olardy inspektorlar óte sirek kezdestiretin. Qamystybas sýatynda birden 16 kúshigen (Halyqaralyq Qyzyl kitapqa engen) belgilendi. Sondai-aq, 8 qumai kezdesken. Aita ketken jón, biyl mamyrda Kishi Qalqan taýlarynyń baýraiynda óte sirek kezdesetin balyqshy tuiǵyn taǵy da kezikken bolatyn», - dedi Sáken Dildahmet.
«Altyn emel» - Qazaqstan aýmaǵynda Ile ózeniniń alqabynda ornalasqan ulttyq tabiǵi parki. Qoryq 1996 jyly 10 sáýirde ashylǵan.
