Nur-Sultan qalasynyń ákimi Altai Kólginov shahar turǵyndaryna úndeý jasady, dep habarlaidy "Ult aqparat".
«Týra bir jyl buryn elimizde álemdik pandemiiaǵa bailanysty tótenshe jaǵdai engizildi. Qala aýmaǵynda blokpostar ornatylyp, «komendanttyq saǵat» jariialandy. Sodan beri meditsina qyzmetkerleri koronavirýspen kúrestiń aldyńǵy shebinde keledi. Memleket jedel qabyldaǵan sharalardyń arqasynda indettiń taralý qaýpin azaitý múmkin boldy. Degenmen, virýs áli de bar» dep jazdy qala basshysy Instagram paraqshasynda.
Ákimniń sózinshe, qazir elorda - qyzyl aimaqta. Birqatar qosymsha shekteýler qoiyldy.
Sanitar dárigerlerdiń aitýynsha, tirkelgen jaǵdailardyń ósýi - merekeniń aldynda jáne mereke kúnderi baiqalady.
Osy jeksenbi - 21 naýryzda qalada lokdaýn jariialanady.
«Barlyq buqaralyq sharalarǵa tyiym salyndy. Adamdardyń ómiri men densaýlyǵyna eshteńe de qaýip tóndirmeýi kerek. Jaǵdaiǵa nemquraily qarai almaimyz, sebebi indetke qaita shaldyǵý qaýpi bar. Koronavirýsty jeńip shyqqannyń ózinde de densaýlyqty kútken jón. Qiyn kezeńnen aýyzbirshilikpen ótýimiz kerek. Infektsiia juqtyrǵan adam sanynyń kúrt ósýine jol bermeýimiz kerek. Koronavirýspen kúresýdiń tiimdi ádisteriniń biri - vaktsinatsiia. Ujymdyq immýnitetti qalyptastyryp, sanitariia normalaryn saqtap qana qalypty ómirge orala alamyz» dep eskertti Altai Kólginov.
