Shyǵys Qazaqstan oblysynyń ózenderinde muz erip, sý deńgeii kóterilip keledi, dep habarlaidy "Ult aqparat".
ShQO TJD baspasóz qyzmetiniń málimetine súiensek, kúnniń kúrt jylynýyna bailanysty óńirdegi ózenderde muz erip, sý deńgeii kóterilgen. Qazirde Buqtyrma ózeninen seń kóship, Altai aýdanynyń tusynda júrýde. Biraq muz juqa bolǵandyqtan eldi mekenderdi sý basý qaýpi joq. Mamandar bekitilgen ýchaskelerde kezekshilik uiymdastyryp, seńdi baqylaýda ustap otyr. Eger muz keptelip jatsa jarý jumystary qolǵa alynady.
«Katonqaraǵai aýdany Aqsý aýylyndaǵy ózende muz kepteldi. Biraq ózdiginen sógilip, ózen arnasy sý basý qaýpinsiz tazartyldy. Qazirgi ýaqytta Korobiha jáne Sennoe aýyldaryndaǵy Buqtyrma ózeninde muz jarylýda», - dep habarlady vedomstvo ókilderi.
TJD dereginshe, biyl oblys boiynsha jaýǵan qar mólsheri jyldyq normadan aitarlyqtai kóp bolǵan. Sý tasqynyn boldyrmaý úshin jergilikti atqarýshy organdar men qutqarýshylar turaqty monitoring júrgizýde.
