شىعىس قازاقستان وبلىسىنىڭ ٶزەندەرٸندە مۇز ەرٸپ, سۋ دەڭگەيٸ كٶتەرٸلٸپ كەلەدٸ, دەپ حابارلايدى "ۇلت اقپارات".
شقو تجد باسپاسٶز قىزمەتٸنٸڭ مەلٸمەتٸنە سٷيەنسەك, كٷننٸڭ كٷرت جىلىنۋىنا بايلانىستى ٶڭٸردەگٸ ٶزەندەردە مۇز ەرٸپ, سۋ دەڭگەيٸ كٶتەرٸلگەن. قازٸردە بۇقتىرما ٶزەنٸنەن سەڭ كٶشٸپ, التاي اۋدانىنىڭ تۇسىندا جٷرۋدە. بٸراق مۇز جۇقا بولعاندىقتان ەلدٸ مەكەندەردٸ سۋ باسۋ قاۋپٸ جوق. ماماندار بەكٸتٸلگەن ۋچاسكەلەردە كەزەكشٸلٸك ۇيىمداستىرىپ, سەڭدٸ باقىلاۋدا ۇستاپ وتىر. ەگەر مۇز كەپتەلٸپ جاتسا جارۋ جۇمىستارى قولعا الىنادى.
«كاتونقاراعاي اۋدانى اقسۋ اۋىلىنداعى ٶزەندە مۇز كەپتەلدٸ. بٸراق ٶزدٸگٸنەن سٶگٸلٸپ, ٶزەن ارناسى سۋ باسۋ قاۋپٸنسٸز تازارتىلدى. قازٸرگٸ ۋاقىتتا كوروبيحا جەنە سەننوە اۋىلدارىنداعى بۇقتىرما ٶزەنٸندە مۇز جارىلۋدا», - دەپ حابارلادى ۆەدومستۆو ٶكٸلدەرٸ.
تجد دەرەگٸنشە, بيىل وبلىس بويىنشا جاۋعان قار مٶلشەرٸ جىلدىق نورمادان ايتارلىقتاي كٶپ بولعان. سۋ تاسقىنىن بولدىرماۋ ٷشٸن جەرگٸلٸكتٸ اتقارۋشى ورگاندار مەن قۇتقارۋشىلار تۇراقتى مونيتورينگ جٷرگٸزۋدە.
