Shyǵys Qazaqstan oblysynyń Altai aýdanyna qarasty Sredigornoe aýylynda joǵalyp ketken sábidiń múrdesi óz úiiniń aýlasyndaǵy qudyqtan tabyldy. Bul jaiynda Shyǵys Qazaqstan oblystyq politsiia departamentinen málim etti, dep habarlaidy "Ult aqparat".
«20 tamyz kúni Altai aýdanyna qarasty Sredigornoe aýylynda politsiia qyzmetkerleri qudyqtaǵy sýdy soryp alyp, túbin laidan tazalaý arqyly qosymsha tekserýge bastamashylyq jasady. Qaita qaraý barysynda zardap shegýshiniń aýlasynda ornalasqan qudyqta, lai astynan 2017 jyly dúniege kelgen sábi Álihan Talǵatovtyń múrdesi tabyldy», - delingen politsiia departamenti taratqan aqparatta.
Qazirgi ýaqytta politsiia departamentiniń jedel tergeý toby tekserý jumystaryn júrgizip jatyr. Komissiialyq sot-meditsinalyq saraptama taǵaiyndalǵan. Sábidiń múrdesi Sot saraptamalary ortalyǵyna jiberilgen.
Buǵan deiin politsiia qyzmetkerleri men eriktiler Shyǵys Qazaqstan oblysynyń Altai aýdanynda joǵalyp ketken 2 jasqa tolmaǵan sábidi izdep jatqanyn habarlaǵan edik.
