شىعىس قازاقستان وبلىسىنىڭ التاي اۋدانىنا قاراستى سرەديگورنوە اۋىلىندا جوعالىپ كەتكەن سەبيدٸڭ مٷردەسٸ ٶز ٷيٸنٸڭ اۋلاسىنداعى قۇدىقتان تابىلدى. بۇل جايىندا شىعىس قازاقستان وبلىستىق پوليتسييا دەپارتامەنتٸنەن مەلٸم ەتتٸ, دەپ حابارلايدى "ۇلت اقپارات".
«20 تامىز كٷنٸ التاي اۋدانىنا قاراستى سرەديگورنوە اۋىلىندا پوليتسييا قىزمەتكەرلەرٸ قۇدىقتاعى سۋدى سورىپ الىپ, تٷبٸن لايدان تازالاۋ ارقىلى قوسىمشا تەكسەرۋگە باستاماشىلىق جاسادى. قايتا قاراۋ بارىسىندا زارداپ شەگۋشٸنٸڭ اۋلاسىندا ورنالاسقان قۇدىقتا, لاي استىنان 2017 جىلى دٷنيەگە كەلگەن سەبي ەليحان تالعاتوۆتىڭ مٷردەسٸ تابىلدى», - دەلٸنگەن پوليتسييا دەپارتامەنتٸ تاراتقان اقپاراتتا.
قازٸرگٸ ۋاقىتتا پوليتسييا دەپارتامەنتٸنٸڭ جەدەل تەرگەۋ توبى تەكسەرۋ جۇمىستارىن جٷرگٸزٸپ جاتىر. كوميسسييالىق سوت-مەديتسينالىق ساراپتاما تاعايىندالعان. سەبيدٸڭ مٷردەسٸ سوت ساراپتامالارى ورتالىعىنا جٸبەرٸلگەن.
بۇعان دەيٸن پوليتسييا قىزمەتكەرلەرٸ مەن ەرٸكتٸلەر شىعىس قازاقستان وبلىسىنىڭ التاي اۋدانىندا جوعالىپ كەتكەن 2 جاسقا تولماعان سەبيدٸ ٸزدەپ جاتقانىن حابارلاعان ەدٸك.
