Shyǵys Qazaqstan oblysynyń Katonqaraǵai aýdanynda halyqaralyq «Altai – túrki áleminiń altyn besigi» festivali saltanatty túrde bastaldy, dep habarlaidy ult.kz.
Eki kúnge sozylatyn mádeni sharanyń shymyldyǵy óńirdiń túkpir-túkpirinen kelgen komandalardyń qatysýymen ótken kókpar jarysymen ashyldy.
Festival aiasynda Berel aýylyndaǵy «Patshalar alqaby» tarihi-mádeni kesheninde qazaqtyń kórnekti aqyny Aqtan Nurbaevtyń týǵanyna 100 jyl tolýyna arnalǵan as berildi. Taǵylymdy jiynǵa aqyn-jazýshylar, mádeniet qairatkerleri men mereitoi iesiniń jaqyndary qatysty.
Keshkisin «Tór Altai Aqtanyn jyrlaidy» atty respýblikalyq poeziia festivali ótti. Oǵan Shyǵys Qazaqstan oblysynyń ákimi Nurymbet Saqtaǵanov qatysyp, Aqtan Nurbaevtyń mereitoiyn eldik deńgeide atap ótýdiń mańyzyn atap ótti.
Poeziia keshinde elimizdiń ár óńirinen kelgen tanymal aqyndar óleń oqyp, festivalge qatysqan qalamgerlerdiń árqaisysyna 500 myń teńgeden syiaqy tabystaldy.
Festival baǵdarlamasy 11 shildede «Aqtanymyn Altaidyń» atty respýblikalyq aqyndar aitysymen jalǵasady.
Al keshki gala-kontsertte Qazaqstanmen qatar Ázerbaijan, Vengriia, Qyrǵyzstan, Ózbekstan, Túrkiia, Qaraqalpaqstan, Bashqurtstan, Tyva Respýblikasy jáne Mońǵoliiadan kelgen ónerpazdar óner kórsetedi. Keshtiń basty hedlaineri – Dimash Qudaibergen.
