Almaty qalalyq qoǵamdyq keńesiniń tóraǵasy Rahman Alshanov «Qazaqstan Respýblikasynda beibit jinalystar, mitingiler, sherýler, piketter jáne demonstratsiialar uiymdastyrý men ótkizý tártibi týraly» zań jobasyna qatysty pikirimen bólisti, dep habarlaidy "Ult aqparat".
«Bárimiz bul máseleniń ózektiligin bilemiz. Bizdiń elimizde kóp nárse jasaldy, degenmen, saiasi mádenietke qatysty máseleler bar. Jambyl oblysy Qordai aýdanynda bolǵan qaiǵyly oqiǵalar, ókinishke qarai, mádeniettiń jáne saiasi dialogtyń azdyǵy jaǵdaidyń keide múlde basqa baǵytqa aýysatynyn kórsetedi. Barlyq azamattardyń múddelerine jaýap beretin senimdi zań shyǵarý kerek, árine, barlyǵynyń kóńilinen shyǵý qiyn, biraq ymyraǵa kelip, biryńǵai kózqaras qalyptastyrýǵa múmkindik beredi», - dedi Rahman Alshanov Almatyda Qoǵamdyq keńes otyrysynda.
