QR Qorǵanys ministriligi Tian-Shan taýynda joǵalǵan qazaqstandyq alpinisterdi izdeý jumystary qalai júrgizilip jatqandyǵyn málim etti, dep habarlaidy "Ult aqparat".
Vedomstvonyń málimetinshe, qazaqstandyq áskeri qyzmetshiler joǵalǵan alpinisterdi izdep, Pobeda shyńyn 14 ret ainala ushyp ótken. Izdeý jumystary 5 100-den 6 000 metr biiktikke deiingi aralyqta júrgizilgen.
«Taý shatqalyna barynsha jaqyn kelý aralyǵy 70 metrdi qurady. Izdeý-qutqarý operatsiiasynyń jetekshisi Vasilii Pivtsovtyń aitýynsha, kózben sholý, sonymen qatar teplovizor paidalaný arqyly qaraý esh nátije bermegen. Tiri adamdardyń eshqandai belgisi nemese múrde tabylmaǵan. Buǵan qosa, ol jaiaý operatsiia maqsatqa sai kelmeitindigin aityp otyr. Sebebi atalǵan aýdanda qar kóshkininiń oryn alý qaýpi saqtalýda. Bul baǵdarǵa shyǵatyn adamdar úshin úlken táýekel ári qater tóndiredi. Qazirgi ýaqytta áskeriler Qarqara lagerinde», - dep atap ótedi ministrlikten.
Eske salsaq, almatylyq alpinister Murat Ótepbaev, Andrei Korneev jáne Aleksandr Chechýlin Qyrǵyz taýlarynda joǵalyp ketti. Almaty qalasynyń ákimi Baqytjan Saǵyntaev alpinister tobynyń iz-túzsiz ketýine qatysty Instagram paraqshasynda alańdaýshylyq bildirdi.
Keiinirek quzǵa órmeleýshilerdiń biriniń qyzy áleýmettik jeli arqyly qalyń kópshilikten kómek surady.
Kóp uzamai QR Qorǵanys ministrligi alpinisterdi qutqarý operatsiiasyn bastaǵanyn málim etti.
Qutqarýshylar tobyna áigili alpinist Maqsut Jumaev jetekshilik etýde.
