Almatyda Medeý aýdanynyń turǵyndary qala ákimimen kezdesý barysynda taý baýraiynda úi qurylysy qarqyndy júrip, alma baqtary kesilip jatqanyn aitty. Olardyń pikirinshe, munyń arty tabiǵi apatqa ákelýi múmkin, dep habarlaidy QazAqparat.
«Taý baýraiyndaǵy qurylys máseleleri boiynsha biz dúisenbi kúni máslihattyń sessiiasyn ótkizemiz. Sol kezde qurylys erejeleri týraly sheshim qabyldanady. Eń bastysy, taý bókterinde qurylys salýǵa tyiym salynady», - dep jaýap berdi Almaty ákimi Erbolat Dosaev.
«Kamenskaia plata» yqshamaýdanynyń turǵyndary baý-baqsha egý aýmaǵyn qaitarýdy, sondai-aq zańsyz berilgen jer telimderin qaita rásimdeý jumystaryn júrgizýdi surady.
«Bul másele óte kúrdeli jáne ony sheshý múmkin emes. Jerge menshik quqyǵy týraly aktilerdiń barlyǵy bizge aýmaqty qosyp alǵan kezde negizinen Talǵar aýdanynan berildi. Olardyń tiisti zańdy kúshi bar. Bul máseleni tolyǵymen sheshe almaimyz. Bul Talǵar aýdanyna ǵana qatysty emes, Naýryzbai men Alataýǵa qosylǵan jańa aimaqtar bar. Árkimniń isi bar. Olar qalanyń bir bóligine ainaldy. Keleńsiz jaǵdai bolmas úshin tiisti jumystar júrgiziletin bolady», - dedi ákim.
