Almaty ákimi Baýyrjan Baibek Ortalyq mádeniet jáne demalys saiabaǵyndaǵy jóndeý jumystarynyń jaǵdaiyn tekserdi, dep habarlaidy "Ult aqparat" ákimdiktiń baspasóz qyzmetine silteme jasap.
Saiabaqtyń basqarýshy kompaniiasy jańa sýburqaqtar, balalar men sport alańdaryn salyp jatyr. Qalany rekonstrýktsiialaýǵa bilik qoldaý kórsetip otyr. Al jeke qarjydan jalpy mólsheri 1,6 mlrd. teńge investitsiia tartyldy. Sondai-aq quziretti kompaniia jańa jáne zamanaýi attraktsiondar satyp alýdy josparlap otyr.
«Ortalyq mádeniet jáne demalys saiabaǵy ainalasyna jańadan 182 jaryq dińgekteri ornatyldy. Jaiaý júrginshilerge arnalǵan joldarǵa kafel tóselip, jasyl aimaq keńeitilgen. Saiabaq aýmaǵy birneshe taqyryptyq aimaqtarǵa bólingen. Saiabaq ortalyǵyndaǵy burynǵy avtoturaq qazir skeitodrom men rollerdrom, strit-vorkaýt, tennis korty, basketbol jáne balalar alańyna ainaldy», - dep málimdedi ákimdiktiń baspasóz qyzmeti.
Qazir saiabaqta burynǵy sýburqaqtardy qalpyna keltirý jáne jańasyn ornatý jumystary júrip jatyr. Jazǵy sahnanyń shyǵys jaǵyna eýropalyq qondyrǵylardy qoldana otyryp qurǵaq sýburqaq salynyp jatyr.
Ákimdiktiń málimetinshe, negizgi jumystar biyl qazan aiyna deiin aiaqtalady.
