Búgin Almatynyń Naýryzbai aýdanynda vaktsinatsiianyń tórtinshi transhy bastaldy. Vaktsinany turǵyndar erikti túrde saldyra alady. Ol úshin megapolistegi kez kelgen emhanaǵa tirkelý qajet, dep habarlaidy QazAqparat.
Almatydaǵy №36 qalalyq emhananyń bas dárigeri Gúljanat Tilegenniń aitýynsha, vaktsina erikti túrde júrgiziledi. Ekpeniń aldynda dárigerdiń tekserýinen ótedi.
«Búgingi ýaqytta bizdiń aýdanymyz boiynsha 250-den astam adamǵa ekpe salyndy, barlyǵynyń jai-kúii jaqsy, jaǵymsyz áser týyndamady. Vaktsina kúndelikti jumys kúnderi tańǵy saǵat 8.00-20.00 aralyǵynda ekinshi qabattaǵy 209 kabinette júrgiziletinin atap ótken jón», - dedi dáriger.
Naýryzbai aýdanynyń Ardagerler keńesiniń densaýlyqty saqtaý jónindegi komissiianyń tóraiymy Raihan Elamanova ekpe saldyryp, óz oiymen bólisti.
«Búgin men ekpe saldyrdym, jai-kúiim jaqsy.Qariia jastaǵy adamdarmen tikelei jumys jasaǵandyqtan halyqqa qashan ekpe salatynyn burynnan kútken edim, eń aldymen ózim ekpe alýym kerek jáne olardyń qaýip aýmaǵynda bolǵany sebepti ózimdi, ózimdi qorshaǵan ortany qorǵaýym kerek. Mende óz tobym bar, onda 200 zeinetker tirkelgen, sol adamdarǵa ózimniń vaktsina alǵannan keiingi jai-kúiim týraly jazyp bóliskim keledi.Sonymen qatar, qarsy kórsetkishter anyqtalmasa vaktsina saldyrýlaryńyzǵa keńes beremin. Vatsaptaǵy meniń tobym «Júz jasa» dep atalady, mine osy sebeppen olardyń júz jas jasaǵanyn tileimin», - dep óz pikirimen bólisti Raihan Elamanova.
Gúljanat Tilegen vaktsinany alǵannan soń profilaktikalyq sharalardy saqtaý qajet ekenin tilge tiek etti. Ol áleýmettik qashyqtyq, maska rejimi.
Eń aldymen, immýnizatsiiany juqpaly aýrý aýrýhanasynyń, jedel meditsinalyq kómek, reanimatsiia, meditsinalyq-sanitarlyq alǵashqy kómek (MSAK), qabyldaý bólimshesiniń, jumyskerleri, sanitarlyq-epidemiologiialyq qyzmettiń qyzmetkerleri ótti. Ekinshi kezeńde jalpy bilim beretin mektep, joǵary oqý oryndarynyń pedagogtary, birinshi satyǵa kirmegen mediitsnalyq qyzmet jumyskerleri qamtylǵan. Úshinshi kezeń boiysha mektep-internat, mektepke deiingi balalar mekemesiniń pedagogtarymen, stýdentter jáne sozylmaly aýrýmen aýratyn adamdarmen, áleýmettik-meditsinalyq mekemeniń qyzmetkerlerimen qamtylǵan.
Jalpy Naýryzbai aýdany boiynsha vaktsina kelip túskennen beri 1,2,3 eshelon boiynsha 1110 adam vaktsina alǵan. Vaktsinany alýǵa profilaktikalyq ekpege qary kórsetkishteri joq tulǵalarǵa ruqsat etiledi.
