«Muztaý» shaǵynaýdanynyń turǵyndary joldyń joqtyǵyna shaǵymdandy. Tolassyz jaýǵan jańbyrdan mashinalar batpaqqa batyp qaldy, dep habarlaidy "Ult aqparat".
Turǵyndar QazAqparat redaktsiiasyna batpaqqa batyp qalǵan kólikterdiń sýreti men videosyn jiberdi.
«Almaty sý» memlekettik kommýnaldyq kásipornynyń baspasóz qyzmeti málim etkendei, qazir Medeý aýdanyna qarasty «Muztaý» yqshamaýdanyndaǵy (burynǵy Býtakovka) Zamartas kóshesiniń jol jabyny jedel qalpyna keltirilip jatyr.
«Jańbyr sýy shaiyp ketken joldar búgin tańerteń tegistelip, inertti materialdarmen nyǵaityldy. Qalanyń osy bóliginde sýmen jabdyqtaý jáne sý burý júiesiniń qurylysy, onyń ishinde Á. Beiseýov kóshesine asfalt tóseý jumystary byltyr tolyǵymen aiaqtaldy. Aidarly jáne Zamartas kóshelerin abattandyrý jumystary karantindik shekteýler men qystyń bastalýyna bailanysty biylǵa aýystyryldy. Bul kóshelerge asfaltbeton tóseý kún jylynǵanda qolǵa alynady. Ony osy jyldyń mamyr aiynda aiaqtaý josparlanyp otyr», - dep habarlady «Almaty sý» memlekettik kommýnaldyq kásiporny.
Aita keteiik, kásiporyn tapsyrysy boiynsha «Muztaý» yqshamaýdanynyń turǵyndaryn ortalyqtandyrylǵan sýmen jabdyqtaý jáne sý burý júiesimen qamtamasyz etý jobasy 2020 jyly júzege asyryldy.
Buǵan deiin qalanyń bul sektorynda injenerlik jeliler bolmaǵan.
