Almaty ákimi Baqytjan Saǵyntaevtyń ókimimen, Prezident Ákimshiliginiń jáne qala máslihatynyń kelisimi boiynsha Áset Masabaev Medeý aýdanynyń ákimi bolyp taǵaiyndaldy, dep habarlaidy "Ult aqparat".
Áset Masabaev 1985 jyly týǵan. Almatydaǵy Energetika jáne bailanys institýtynyń, Ekonomika jáne quqyq Akademiiasynyń, Máskeý qalasyndaǵy reseilik Halyqtar dostyǵy ýniversitetiniń túlegi.
Eńbek jolyn 2007 jyly «Almaty elektr stantsiiasynda» elektromonter bolyp bastady.
2008 jyldan 2010 jyldary «Naz» JShS-de bas energetik, «Almaz jáne KIýS» JShS-de tehnikalyq direktory boldy.
2010 jyldan 2013 jyldary Almaty qalasy Energetika jáne kommýnaldyq sharýashylyq basqarmasynda jetekshi mamannyń mindetin atqarýshydan energiia, jylýmen qamtý bóliminiń bastyǵyna deiingi joldardan ótti.
Ár jyldary Jetisý jáne Medeý aýdandary ákimderiniń orynbasary, Almaty qalasy ákiminiń bas inspektory, qalanyń Tabiǵi resýrstar jáne tabiǵatty paidalaný basqarmasynyń, Energotiimdilik jáne infraqurylymdyq damý basqarmasynyń basshysy boldy.
2019 jyldyń sáýir aiynan bastap Almaty qalasynyń Energotiimdilik jáne infraqurylymdyq damý basqarmasynyń basshysy qyzmetin atqardy.
