© AP Photo / Vladimir Tretyakov
Qazaqstan Prezidenti Qasym-Jomart Toqaev eldegi tártipsizdikterdi memleketke qarsy naǵyz terroristik soǵys dep baǵalady, dep habarlaidy QazAqparat.
«Memleket resýrsyn taýysý úshin shabýyl uiymdastyrýshylar úlken maidan ashty. Agressiia bir ýaqytta 11 óńirdi qamtydy. Biraq negizgi soqqy Almatyǵa qarsy baǵyttaldy. Ózderińiz biletindei, bul bizdiń eń iri qalamyz jáne eldiń qarjy ortalyǵy, onda mańyzdy kólik jáne kommýnikatsiia toraptary shoǵyrlanǵan. Almatynyń qulaýy halyq tyǵyz ornalasqan ońtústikti, sodan keiin búkil eldi basyp alýǵa jol ashar edi», - dedi Qasym-Jomart Toqaev Ujymdyq qaýipsizdik týraly shart uiymynyń kezekten tys otyrysynda.
Prezidenttiń aitýynsha, terrorister quqyqtyq tártip kúshin ózine tartyp, sodan keiin Qazaqstan astanasyna soqqy berýdi kózdegen.
«Biz Prezident rezidentsiiasynyń ainalasynda sodyrlardyń jinalǵanyn kórdik. Shyn máninde, bul bizdiń memleketke qarsy túrli ádistermen bastalǵan naǵyz terroristik soǵys boldy. Bul bizdiń buryn-sońdy bolmaǵan sharalar qabyldaýymyzdy talap etti», - dedi Toqaev.
Buǵan deiin Prezident Almatyda politsiia deparatmenti mańyndaǵy urys 2 túnge sozylǵanyn aitqan edi.
«Bul – jaqsy daiyndyqtan ótken kásibilerdiń, onyń ishinde arnaiy vintovkalary bar snaiperlerdiń áreketi», - dep baǵalady Memleket basshysy.
