Almaty ákimi Baqytjan Saǵyntaev gazanalizatormen jáne tútin ólsheýishpen jabdyqtalǵan Qulja tas joly boiyndaǵy ekopostyń daiyndyǵyn tekserdi, dep habarlaidy "Ult aqparat".
Almaty ákimi Baqytjan Saǵyntaev Instagram-daǵy paraqshasynda qalada 19 ekopostyń ornatylatynyn jáne onyń ekeýi jaqyn kúnderi jumystaryn bastaitynyn aitty.
«Jumys saparymen Qulja tas jolynda ornatylǵan jańa ekologiialyq beketke bardym. Munda kóp komponentti gaz taldaǵyshtyń kómegimen benzin jáne gazben júretin kólikten shyǵatyn ýly gazdyń quramyndaǵy kómirsýtegi, kómirtegi oksidi, kómirtegi dioksidi, azot oksidi, ottegi tekseriledi. Dizeldi otynmen júretin kólikterdegi gazdyń tútini de tekseriledi», - dep jazdy B. Saǵyntaev.
Onyń málimentinshe, qalaǵa kire beriste barlyǵy 19 ekopost jumys isteidi. Jaqynda alǵashqy ekeýi Qulja traktisi men Buqtyrma kóshesinde iske qosylady. Testilik rejimdegi tekserý kezinde tútini normadan asatyn shamamen 5 myń jeńil jáne 1 myńnan astam júk kóligi anyqtaldy.
Jaqynda gaz taldaǵyshy men tútin ólshegishi bar jyljymaly ekopatrýlder iske qosylady.
Sondai-aq barlyq ekopostarda aýa sapasyn ólshep, onyń deregin onlain-karta men LED-displeide kórsetetin stansalar ornatylady.
«Bul – qala ekologiiasyn saýyqtyryp, atmosferany lastaityn avtokólikterdiń úlesin azaitýǵa baǵyttalǵan», - dep atap ótti B. Saǵyntaev.
Buryn habarlanǵandai, ekologiialyq kórsetkishterdi baqylaýdyń onlain kartasy megapolis turǵyndaryna qorshaǵan ortanyń jai-kúii týraly, onyń ishinde atmosferalyq aýanyń sapasy týraly málimetterge keńeitilgen qol jetimdilikti qamtamasyz etedi.
Joba Almatynyń ekologiialyq jaǵdaiy týraly barlyk qoljetimdi málimetterdi biriktiretin dinamikalyq platforma. Ár 20 minýt saiyn onlain baqylaý stantsiialary aýa jaǵdaiy týraly aqparatty júiege jiberedi. Stantsiialar atmosferadaǵy lastaýshy zattardyń kólemin, sondai-aq ylǵaldylyq, temperatýra, qysym, jel baǵyty men jyldamdyǵyn ólsheidi. Belgili bir kezeńdegi ortasha mánder jáne ortasha kúndik belgilengen kólemde ruqsat etilgen kontsentratsiia mánderi kórsetiledi.
Almaty qalasynyń ákimi B. Saǵyntaevtyń tapsyrmasymen júzege asyrylyp jatqan jobanyń maqsaty – qarapaiym azamattarǵa, sarapshylar men mamandarǵa onlain formattaǵy málimetterdi berý. Sonymen qatar, olardy taldaý negizinde aýa sapasynyń jáne basqa parametrlerdiń ózgerýin boljaýǵa múmkindik beretin málimetter bazasy qurylady.
