Almaty qalasyndaǵy Keńsai ziraty aýmaǵynda bolǵan órtke qatysty qylmystyq is qozǵaldy. Bul týraly qalalyq Tótenshe jaǵdailar departamenti basshysynyń orynbasary Samat Asainov málim etti, dep habarlaidy QazAqparat.
«Keshe Almatydaǵy Keńsai ziraty aýmaǵynda órt shyqty. Qazirgi ýaqytta Medeý aýdandyq prokýratýra qyzmetkerleri QR Qylmystyq kodeksiniń 204-baby 2-bóligine sáikes qylmystyq is qozǵady. Qazir tergeý jumysy júrip jatyr», - dedi Samat Asainov Ortalyq kommýnikatsiialar qyzmeti alańynda ótken baspasóz máslihatynda.
Qalalyq TJD basshysy orynbasarynyń aitýynsha, órt saldarynan adamdar zardap shekken joq jáne materialdyq shyǵyn kelmegen.
Sondai-aq Almatydaǵy órtke bailanysty QR Tótenshe jaǵdailar ministrligi órtke qarsy qyzmet komiteti tóraǵasynyń orynbasary Dmitrii Titov túsinik berdi.
«Almatydaǵy órtterdiń shyǵýyna eki sebep qarastyrylyp otyr. Biri – órt abaisyzda shyǵýy múmkin nemese órt qaýipsizdigi erejesin buzý. Eki jaǵdai boiynsha tótenshe jaǵdailar jáne ishki ister ministrligi qyzmetkerleri anyqtaý jumysyn júrgizedi. Eger kináli tulǵalar anyqtalsa, olar jaýapqa tartylady», - dedi TJM ókili.
