Almaty qalasynyń Bas memlekettik sanitariia dárigeri Jandarbek Bekshin onlain brifing barysynda tumaý, JRVI-diń aldyn alatyn qarapaiym tásilderdi atady, dep habarlaidy "Ult aqparat".
Onyń aitýynsha, tumaýdan qorǵanýdyń vaktsinadan basqa qarapaiym sharalary bar.
«Dárigerdiń ruqsatymen virýsqa qarsy preparattardy «Anaferon», «Interferon», «Viferondy» qoldanýǵa bolady. Sonymen qatar, virýsqa qarsy jaqpamailardy «Oksalin», «Antivirdi» paidalaný kerek. Immýnitetti kóteretin aqýyzǵa, dárýmenderge jáne mineraldy zattarǵa bai tamaq ónimderin tutynǵan jón. Áleýmettik araqashyqty saqtaý, naýqas adamdarmen qarym-qatynasty shekteý, adamdar kóp jinalatyn jerlerge barmaý, mezgilge sáikes kiiný kerek» - dedi Jandarbek Bekshin.
Sonymen qatar, ol halyq kóp jinalatyn jerler men naýqasqa kútim jasaǵanda naýqas adam da, deni saý adam da meditsinalyq betperde kiiýi qajettigin aitty.
«Naýqas úide bolǵanda ony oqshaýlap, bólmeni jii jeldetip, naýqas jáne úidegiler maska kiip júrý, sonymen qosa naýqasqa jeke ydys bólgen durys. Qoldy jii jýý kerek, eger qoldy sabynmen jýýǵa múmkindik bolmasa, quramynda spirt bar nemese dezinfektsiialyq quraldardy paidalaný qajet. Ata-analar aýyrǵan balasyn balabaqshaǵa, mektepke jibermeýi kerek. Osy atalǵan qarapaiym nusqaýlardy saqtaý sizderdi JRVI men tumaý aýrýynan qorǵaidy», - dedi ol.
