Almaty qalasy Alataý aýdany «Zerdeli-6» shaǵyn aýdanyndaǵy 6 kópqabatty turǵyn úi qisaidy, dep habarlaidy "Ult aqparat".
Qalalyq ákimdik 2019 jyldyń jeltoqsan aiynda «Zerdeli-6» shaǵynaýdanda ornalasqan №1/179 turǵyn úi qisaiǵan soń, ondaǵy barlyq toǵyz qabatty úidi tekserý jóninde sheshim qabyldaǵan. Qolaily qalalyq orta basqarmasy «Qazaq qurylys jáne sáýlet ǵylymi-zertteý jáne jobalaý institýty» AQ-men kelisimshart jasady. Qujattaǵy ýaqytqa sáikes, qaita qalpyna keltirý jumystary osy jyldyń sońynda aiaqtalýy kerek.
«Búginde 6 úige qatysty (1/180, 1/160, 1/161, 1/165, 1/167, 1/168) saraptama qorytyndysy shyqty. «Qazaq qurylys jáne sáýlet ǵylymi-zertteý jáne jobalaý institýty» AQ qorytyndysyna sáikes, osy úilerdiń irgetasyn nyǵaitý qajet. Bul jumystar turǵyndardy kóshirmei júzege asyrylady. Qazir №1/160, 1/161 úilerde irgetasyn nyǵaitý jumysy júrgizilip jatyr», – delingen ákimdik taratqan habarlamada.
Quqyq qorǵaý organdary úidiń nege qiǵaisaǵanyn ári bul iske jaýaptylardy anyqtap jatyr.
Eske salaiyq, byltyr 11 jeltoqsanda Alataý aýdanyndaǵy «Zerdeli» shaǵyn aýdanynyń turǵyndary úileriniń qisaiǵanyn aityp, dabyl qaqqan bolatyn.
Keiin Baqytjan Saǵyntaev qisaiǵan úidiń turǵyndarymen kezdesip, ákimdik olardy kóshirýge daiyn ekenin jetkizdi.
