Almaty garnizonynyń 2000-ǵa jýyq áskeri qyzmetshisi PTR test pen koronavirýs infektsiiasyna shuǵyl testileýden ótti, dep habarlaidy "Ult aqparat" Qorǵanys ministrliginiń baspasóz qyzmetine silteme jasap.
Áskeriler dezinfektsiialyq jumystarǵa, tosqaýyl beketterinde kezekshilik atqarýǵa, sondai-aq patrýldeýge tartylǵan. Səýir aiynyń sońyna deiin garnizonda taǵy 1 500 əskeri qyzmetshi analiz tapsyrady.
Koronavirýsty anyqtaityn PTR test (polimerazdy tizbekti reaktsiia ádisi) murynnyń shyryshty qabatynan alynǵan jaǵyndy negizinde jasalady. Alynǵannan keiin nátije DNQ jáne RNQ koronavirýs bolýyna bailanysty anyqtalady. Sondai-aq, ol virýs juqtyrǵannan keiin anyqtalady. Ekspress test ádisimen tekserý úshin saýsaqtan qan alynady, ol koronavirýsqa antidene bar-joqtyǵy zertteledi.
Áskeri dárigerlerdiń aitýynsha, ekspress test inkýbatsiialyq kezeń kezinde virýstyń bar ekendigin kórsetpeidi, al oń nátije bolǵan jaǵdaida qosymsha tekserý talap etiledi.
Almaty garnizonynyń áskeri qyzmetshileri tótenshe jaǵdai jáne karantin rejimin qamtamasyz etý boiynsha is-sharalarǵa belsendi qatysady. Áskeri qyzmetshiler Almatyny patrýldeýdi jalǵastyrýda, sondai-aq politsiia jáne Ulttyq gvardiia ókilderimen birlesip kún saiyn qalanyń kirý jáne shyǵý baǵyttary boiynsha tosqaýyl beketterde qyzmet atqarady.
