Almatyda turǵyndarǵa saýda ortalyǵy men bazarlarda koronavirýsqa qarsy vaktsina egiledi. Vaktsinatsiia algoritmi jariialandy, dep habarlaidy QazAqparat.
Qalanyń bas memlekettik sanitarlyq dárigeri Jandarbek Bekshin óziniń jańa qaýlysynda qoǵamdyq densaýlyq saqtaý basqarmasyna algoritmge sáikes qoǵamdyq oryndardaǵy COVID-19-ǵa qarsy immýndaý pýnktteriniń daiyndyǵyn qamtamasyz etýdi tapsyrdy.
Bazarlar aýmaǵynda immýndaýdy uiymdastyrý kezinde
Qaýlyǵa sáikes, egý pýnkti bazar aýmaǵynda ornalasýy qajet. Sonymen qatar, jumys ústelderi, oryndyqtary bolýy tiis. Paidalanylǵan bir rettik maskalardy jinaýǵa arnalǵan qoqys jáshigi, qoldy óńdeýge arnalǵan antiseptigi bar shyntaq dozatory kerek. Egiletin adamdardy tirkeý jáne egilgennen keiin baqylaý júrgiziletin shatyr bolýy tiis. Vaktsinatsiialaý aldynda tekserý jáne tikelei egý júrgizý barlyq sanitariialyq-epidemiologiialyq talaptardy saqtai otyryp, jedel meditsinalyq kómek mashinasynda júrgizilýi múmkin.
SOO aýmaǵynda immýndaýdy uiymdastyrý kezinde
Egý pýnkti saýda ortalyǵynyń arnaiy bólingen orynda ornalasýy tiis, onda halyqty tirkeý úshin qorshalǵan aimaq, vaktsinatsiia júrgizý aldynda halyqty tekserýge jáne egýden keiin 30 minýt ishinde baqylaýǵa arnalǵan aimaq (ýaqytsha bólme), sondai-aq vaktsinatsiia júrgizýge arnalǵan jeke aimaq ornalasýy tiis.Qarap tekserý jáne vaktsinatsiia júrgizý bólmeleri móldir emes plastikalyq jabynmen (tyǵyz plenka) qorshalýy tiis, al ishi ózara shymyldyqpen bólingen, jumys ústelderi jáne oryndyqtarmen, paidalanylǵan bir rettik maskalardy jinaýǵa arnalǵan qoqys jáshigimen, qoldy óńdeýge arnalǵan antiseptigi bar shyntaq dozatorymen jabdyqtalǵan bolýy tiis.
Barlyq mobildi egý pýnktterine qoiylatyn jalpy talaptarmen myna jerden tanysýǵa bolady.
Qaýly qol qoiylǵan kúnnen bastap kúshine enedi.
