Almaty qalasynyń ákimi Baqytjan Saǵyntaev turǵyndarǵa ne úshin taýǵa shyǵýǵa bolmaitynyn túsindirdi, dep habarlaidy QazAqparat.
«Taýǵa shyǵatyndardyń eki túri bolady. Birinshisi sportpen shuǵyldanatyndar, ekinshisi demalýshylar. Olar apta saiyn taýǵa shyǵyp, dastarhan jaiyp demalǵandy jaqsy kóredi. Bizdiń mindetimiz – adamdardyń shoǵyrlanýyna jol bermeý. Shyny kerek, biz tek otbasy múshelerimen ǵana demalmaimyz ǵoi, dostarymyzben, týǵan-týystarymyzben shyqqandy unatamyz. Káýáp pisirip, ot jaǵamyz. Bul indettiń órshýine ákep soǵady. Sondyqtan taýǵa shyǵýǵa áli de ruqsat joq. Taýǵa jumys kúnderi jaiaý nemese velosipedpen shyǵýǵa bolady», – dedi dedi qala ákimi Baqytjan Saǵyntaev Almaty telearnasyndaǵy Akimat LIVE baǵdarlamasynyń tikelei efirinde.
Sonymen qatar, ol senbi-jeksenbi kúnderi bazarlar, saýda ortalyqtary men qoǵamdyq kólikterdiń jumys istemeitinin eske saldy.
