«Almaty jylý jelileri» JShS qala turǵyndaryn jylý men ystyq sýǵa qaryzdaryn tóleýge shaqyrady, dep habarlaidy "Ult aqparat".
«Búgingi tańda tutynýshylardyń paidalanǵan ystyq sý men jylý úshin kásiporyn aldyndaǵy jalpy qaryzy shamamen 1,7 mlrd teńgeni quraidy. Onyń 972,01 mln teńgesi nemese 57%-y turǵyndarǵa tiesili. Sonymen qatar, kórsetilgen somanyń tek 30%-y ǵana AJJ alady. Qalǵan 70%-y jylý energiiasyn jetkizýshileriniki», - dep habarlaidy «Almaty jylý jelileri» JShS.
Qarjy resýrstardyń jetispeýshiliginen, «Almaty jylý jelileri» JShS jylý energiiasyn óndirýshiler aldyndaǵy mindetterin oryndai almai otyr. Tólemnen túsetin qarjy TETs qazandyqtaryna otyndyq satyp alýǵa, óndirý protsesterin qamtamasyz etýge, jabdyqtardy jóndeýge jáne jańartýǵa jumsalýy tiis bolǵan.
«Almaty jylý jelileri» JShS jylý óndirýshiler aldyndaǵy qaryzy 3,5 milliard teńgeni quraidy.
«Tólemniń keshendi júrgizilmeýi, jabdyqtardyń jumysyna, tótenshe jaǵdailardy azaitýǵa, búkil jylýmen jabdyqtaý júiesiniń jumysyn qamtamasyz etýge jáne ony jylytý maýsymyna daiyndaýǵa keri áserin tigizedi. Sondyqtan AJJ tutynýshylardan qaryzdy óndirip alý úshin shara qoldanýǵa májbúr. Ystyq sý berýdi toqtatamyz», - dep málimdedi vedomstvodan.
Sonymen birge, kompaniia boryshkerler eskertýden keiin de qaryzdaryn tólemeitin bolsa, olarǵa jylý berilmeitinin habarlady. Taǵy bir eskeretin jáit, kommýnaldy qyzmetke aqy tólemegenderdiń jeke múlkine, atap aitqanda, avtokólik, qarjysyna deiin shekteý qoiylady. Tipti, basqa elge barýyna da kedergi keltiriledi.
