Búgin Almatyda Baqytjan Saǵyntaevtyń qatysýymen qala aktiviniń otyrys ótti. Jiynda memlekettiń qoiǵan mindetin jedel júzege asyrý máselesi talqylandy, dep habarlaidy QazAqparat.
«Biz estitin memleket tujyrymdamasy boiynsha mindetterdi júzege asyrýdy bastadyq. Barlyq basqarmalardyń basshylary men aýdan ákimderi áleýmettik jelilerde akkaýnt ashty. Bul akkaýnttar arqyly almatylyqtar bilikpen tikelei bailanysa alady», - dedi B.Saǵyntaev.
Budan bólek aýdan ákimdikterinde jáne basqarmalarda halyqtyń suraýymen ashyq esik kúnderi ótkizilip turady.
«Adamdarǵa jaýap kerek. Olarǵa sebebin túsindirý kerek. Árbir túsken shaǵymdy, ótinishti nazardan tys qaldyrsa, jetekshiler tikelei jaýap beretin bolady. Kadrlyq sheshimder de turǵyndarynyń pikirimen qabyldanatyn bolady», - dedi ákim.
Munyń aldynda da ákim Naýryzbai aýdanynyń halqymen kezdesý kezinde kez-kelgen aktige halyqtyń maquldaýynsyz qol qoiylmaitynyn aitqan bolatyn.
«Eger jol, aryq jasalsa, turǵyndarmen kelisip baqylaý ornatý kerek. Kóshe turǵyndarynyń kóńili tolmasa, qabyldaý- tapsyrý aktisine qol qoiylmaidy. Kisiler sapasy durys dese ǵana qol qoiamyz», - dedi ákim.
