بٷگٸن الماتىدا باقىتجان ساعىنتاەۆتىڭ قاتىسۋىمەن قالا اكتيۆٸنٸڭ وتىرىس ٶتتٸ. جيىندا مەملەكەتتٸڭ قويعان مٸندەتٸن جەدەل جٷزەگە اسىرۋ مەسەلەسٸ تالقىلاندى, دەپ حابارلايدى قازاقپارات.
«بٸز ەستيتٸن مەملەكەت تۇجىرىمداماسى بويىنشا مٸندەتتەردٸ جٷزەگە اسىرۋدى باستادىق. بارلىق باسقارمالاردىڭ باسشىلارى مەن اۋدان ەكٸمدەرٸ ەلەۋمەتتٸك جەلٸلەردە اككاۋنت اشتى. بۇل اككاۋنتتار ارقىلى الماتىلىقتار بيلٸكپەن تٸكەلەي بايلانىسا الادى», - دەدٸ ب.ساعىنتاەۆ.
بۇدان بٶلەك اۋدان ەكٸمدٸكتەرٸندە جەنە باسقارمالاردا حالىقتىڭ سۇراۋىمەن اشىق ەسٸك كٷندەرٸ ٶتكٸزٸلٸپ تۇرادى.
«ادامدارعا جاۋاپ كەرەك. ولارعا سەبەبٸن تٷسٸندٸرۋ كەرەك. ەربٸر تٷسكەن شاعىمدى, ٶتٸنٸشتٸ نازاردان تىس قالدىرسا, جەتەكشٸلەر تٸكەلەي جاۋاپ بەرەتٸن بولادى. كادرلىق شەشٸمدەر دە تۇرعىندارىنىڭ پٸكٸرٸمەن قابىلداناتىن بولادى», - دەدٸ ەكٸم.
مۇنىڭ الدىندا دا ەكٸم ناۋرىزباي اۋدانىنىڭ حالقىمەن كەزدەسۋ كەزٸندە كەز-كەلگەن اكتٸگە حالىقتىڭ ماقۇلداۋىنسىز قول قويىلمايتىنىن ايتقان بولاتىن.
«ەگەر جول, ارىق جاسالسا, تۇرعىندارمەن كەلٸسٸپ باقىلاۋ ورناتۋ كەرەك. كٶشە تۇرعىندارىنىڭ كٶڭٸلٸ تولماسا, قابىلداۋ- تاپسىرۋ اكتٸسٸنە قول قويىلمايدى. كٸسٸلەر ساپاسى دۇرىس دەسە عانا قول قويامىز», - دەدٸ ەكٸم.
