Naýryzbai aýdanynyń «Tastybulaq» shaǵyn aýdanynyń turǵyndary joldaǵy shuryq tesikter men las kóshelerge qatysty shaǵymdandy, dep habarlaidy "Ult aqparat".
Turǵyndar jedel járdem men káriz sýyn tazalaityn kólik shaqyra almai otyr. Áleýmettik jelide 86 jastaǵy qariianyń narazylyq videosy taralyp jatyr.
«Bul úide 2 aqsaqal turady. Onyń biri múgedek adam. Olar túzge otyra almai júr. Assenizator kólikter bizdiń aýdanǵa kirýden bas tartady. Jol ortasyna túsip jatyr. Jaiaý júrý de múmkin emes. Jedel járdem de kele almaidy. Naýryzbai aýdany, Tastybulaq, Jeruiyq kóshesi, 3/71», - delingen jazbada.
Aýdan ákimi Sanjar Toǵai bul málimdemege jaýap berdi.
«Merdiger kompaniia tas tógip, injenerlik jeliler júrgizilgen jerlerde kóshelerdi jóndeidi. «Monolit Dizain 2030» JShS osy mekenjai boiynsha jumystar tapsyryldy. Qolaisyzdyqtar úshin keshirim suraimyz», - dedi aýdan ákimi.
