kollaj: Tengrinews.kz
Almaty turǵyndaryn kóshelerdegi jańa kameralar alańdatyp otyr, - dep habarlaidy Tengrinews.kz tilshisi.
Kameralar jaqynda paida boldy jáne olar kóshe boiyna ornatylǵan. "Sergek" kameralary buryn dóńgelek pishindi bolsa, bul kameralar pishini sopaqsha kelgen.
Almatylyqtar qalada jańa beinebaqylaý júiesi ornatylyp jatqanyn aitty. Tipti keibir Facebook qoldanýshylary bul kameralar bet-álpetti tanýǵa arnalǵanyn jazǵan.
Jańa kameralar - baiaǵy "Sergek", biraq zamanaýi úlgide ekeni belgili boldy. Mundai kameralar Shymkent pen Almatyda burynnan bar.
"Bizdiń "Sergek" apparattyq-baǵdarlamalyq júieler osyndai. Bul syrtqy túri yqsham, optikasy jaqsyraq jáne ajyratymdylyǵy joǵary kameranyń jańa úlgileri. "Sergek" júiesi paida bolǵannan beri birneshe jyl boiy kamera óndirýshileri bir orynda turǵan joq, sondai-aq biz de zamanaýi jabdyqtarǵa qatysty sheshimderimizdi jańartyp jatyrmyz. Bul kameralar jaqsyraq optikalyq júiege ie, qamtý jáne sýret sapasy jaǵynan tehnikalyq kórsetkishteri joǵaryraq", - dedi "Kórkem Telekom" baspasóz qyzmeti ókilderi.
Sonymen qatar, kompaniia bul kameralar bet-álpetti tanýǵa arnalmaǵan dep sendirdi.
