Almatylyqtar taǵy da turǵyn úi qurylysyna shaǵymdandy. Bul joly «Samal-2» shaǵynaýdanynyń turǵyndary aryzdandy dep habarlaidy "Ult aqparat".
Almaty qalasynyń turǵyndary qala basshylaryna áleýmettik jeli arqyly úndeý joldady.
«Medeý aýdanynda ornalasqan «Samal-2 « shaǵynaýdanynyń №2, №2A, №12, №91 úilerinde turatyn 200-den astam otbasy turǵyn úiler men B.Momyshuly atyndaǵy №131 mektep-litseiiniń janynda salynyp jatqan qurylysty toqtatýdy suraimyz», - dep jazady turǵyndar.
Almaty qalalyq josparlaý jáne ýrbanistika basqarmasynyń málimetinshe, atalǵan aýmaqta «Eski úi» baǵdarlamasyna jatatyn úiler bar.
«Kórsetilgen mekenjaida qandai nysan salynatyndyǵy týraly aqparatty basqarma mamandary qurylys kompaniiasyna berilgen ruqsat qujatyn kórgenen keiin qana bere alady. Qazirgi ýaqytta merdiger kompaniia basqarmaǵa eshqandai ótinish bergen joq. Atalǵan aýmaqta « Eski úi» baǵdarlamasyna jatatyn úiler bar», - dep habarlady basqarmadan.
