Almatylyqtar Jarbulaq ózenine káriz sýy quiylyp jatqanyna shaǵymdandy. Bul jaǵdaiǵa qatysty ákimdik tekserý júrgizdi, dep habarlaidy "Ult aqparat".
Sý arnasynyń lastanýyna alańdaǵan turǵyndar áleýmettik jelige birneshe kún buryn video jariialap, tiisti mekemelerden kómek suraǵan edi
«Káriz sýynyń qaldyqtary Jarbulaq ózenine tógiledi. Ákimdik qyzmetkerleri kelip «bul káriz sýy emes»,- deidi. Olai bolsa, bul ne sý? Dalada aýa temperatýrasy nólden tómen», - dep ashýlandy Almaty turǵyny.
Medeý aýdanynyń ákimdigi ekologiia bólimi qyzmetkerleri men aýdandyq tabiǵatty qorǵaý politsiiasy joǵaryda atalǵan Shýhova kóshesi № 3 mekenjaiǵa bardy dep jaýap berdi.
«Zertteý nátijeleri boiynsha, birinshi sý ótkizbeitin qabatta ornalasqan jerasty sýlarynyń aǵyp jatqandyǵy anyqtaldy», - dep túsindirdi ákimdikten.
