Almaty qalalyq bilim basqarmasy oqýshylardyń aralas oqý formatyna qashan aýysatynyn aitty, dep habarlaidy "Ult aqparat".
Basqarmadan málimdegendei, ázirge bul jaily buiryq shyqpaǵan.
«Epidemiologiialyq ahýaldyń jaqsarýyna bailanysty Qazaqstanda mektepterde aralas oqý formaty engiziledi. Al Almaty boiynsha biz qalalyq bas sanitar dárigerdiń resmi qaýlysyn kútip otyrmyz. Mektepter daiyndalyp jatyr. Jańa qaýly shyqqan jaǵdaida 1-5 synyp oqýshylary aralas oqý formatyna kóshedi. Kezekshi synypta oqyp jatqan oqýshylar óz synybyna oralady», - deidi Bostandyq aýdandyq bilim bólimi basshysynyń mindetin atqarýshy Baqytbek Qaljanov.
Sonymen qatar, ata-analarǵa tańdaý erki berilgen.
Olar balalaryn mektepke jiberýge de, jibermeýge de quqyly.
«Ata-analar balalardy áleýmettik qashyqtyqty saqtaýǵa, jeke gigiena talaptaryn saqtaýǵa úiretýi tiis», - deidi Baqytbek Qaljanov.
