Almatydaǵy № 189 orta mekteptiń oqýshylary jelide beineúndeý jariialap, óz bilim ordalarynyń ǵimaraty jeke kompaniiaǵa jalǵa berilgenin málimdedi, dep habarlaidy Ulysmedia.kz.
Beineýndeýde oqýshylar Bostandyq aýdany, «Nur Alataý» yqshamaýdanyndaǵy №189 memlekettik jalpy bilim beretin mektep ǵimaratynyń bir bóligi jalǵa berilgenin aityp, ata-analar men óz qatarlastaryn mundai sheshimge qarsy shyǵýǵa shaqyrǵan.
Alaida Almaty qalalyq bilim basqarmasy bul aqparatty joqqa shyǵaryp otyr.
«Atalǵan bilim mekemesin jalǵa berý týraly aqparat shyndyqqa janaspaidy. Áleýmettik jelide taraǵan beineúndeýge qatysty muǵalimder, oqýshylar men ata-analar arasynda qajetti túsindirý jumystary júrgizildi», - dep jaýap berdi qalalyq bilim basqarmasynan.
Sondai-aq málim etilgendei, Almaty qurylys basqarmasy mektep ǵimaratyn kúrdeli jóndeýden ótkizý úshin jáne seismikalyq turǵyda kúsheitý boiynsha jobalyq-smetalyq qujattama ázirlep jatyr. Qurylys-montaj jumystary 2023 jylǵa josparlanǵan.
