Almatylyq oqýshy birneshe jyl jinaǵan aqshasyn arystyqtarǵa jiberdi. Osy arqyly qaiyrymdylyq sharasyna óz úlesin qosýdy jón kórgen. Bul týraly Eýraziia birinshi arnasy habarlady.
Aldiar esimdi 10 jasar almatylyq bala bul aqshany eki jyl boiy jinapty. Áýel basta oiyn pristavkasyn alamyn dep josparlapty. Biraq, Arystaǵy oqiǵadan soń oiyn ózgertken. Aldiiar dostarymen birge tiyn salǵyshty jarǵanda ishinen 100 myń teńgege jýyq aqsha shyǵypty.
«Men basynda múlde basqa zat alǵym kelgen plei steishndi. Biraq odan keiin bildim, oilandym da qaiyrymdylyq jasaǵan durys bolady dep sheshtim» deidi oqýshy Aldiar Dáýletuly.
Aldiardyń ákesi bul piar ádis ne maqtanysh emes dep kesip aitty. Balasy sheshim qabyldaǵan soń betin qaqpai, birden qoldapty.
«Balam maǵan «Ákeshim kopilkadaǵy jinalǵan aqshaǵa qamqorlyq jasasam», dedi. Balanyń nieti solai bolǵannan keiin qoldaimyz. Bul búkil halyqtyń, barsha Qazaqstannyń qaiǵysy ǵoi rasynda. Qudai betin ári qylsyn mundaidan» deidi ákesi Dáýlet Sataev.
Tótenshe jaǵdaidy estigen oqýshylar da qaiyrymdy isten shet qalmaq emes. Bul kúnde «Jas Ulandyq» jastar mektepterde shtab quryp, qatarlastyrynyń ákelgen kómegin jinastyryp jatyr.
