Almaty qalasynyń himiia-biologiia baǵytyndaǵy Nazarbaev ziiatkerlik mektebiniń 12-synyp oqýshysy Nargiz Seisek álemniń toǵyz ýniversitetinen birdei shaqyrtý aldy, dep habarlaidy "Ult aqparat" mekteptiń baspasóz qyzmetine silteme jasap.
Tolyq bilim berý grantyn Nargizge Hong Kong Baptist University jáne Lawrence University usynyp otyr. Sondai-aq, ziiatkerge alty amerikalyq joǵary oqý oryndary jeńildik berýge daiyn.
Nargizdyń portfoliosy himiia páninen respýblikalyq, jelilik olimpiadalardyń júldeli oryndary men medaldaryna, sondai-aq ǵylymi baiqaýlardaǵy jetistikterge toly.
«Men barlyq jerde Chemical Engineering fakýltetin tańdaimyn. Himiiaǵa degen mahabbatty mende 10 synypta myqty ustaz Záýre Dilmanova oiatty. Ustazym meni olimpiadaǵa jáne ǵylymi jobalarǵa qatysýǵa yntalandyrdy. Ziiatkerlik mektebindegi ustazdarymnyń arqasynda men osyndai jetistikke qol jetkizdim. Himiia salasynyń keleshegi zor. Osy baǵytta elimizdegi óndiristerdi damytýǵa at salysqym keledi», - deidi Nargiz.
Aita keterligi, bolashaq túlek UNESCO klýbynyń belsendi qatysýshysy retinde UNESCO jáne Model United Nation on shaqty sessiiasyna Ziiatkerlik mekteptiń atynan qatysyp, úzdik spiker jáne úzdik delegat ataǵyna ie bolǵan.
