Biyl Ulttyq biryńǵai testileý kezinde eń joǵary 140 balldy Almaty qalasynyń túlegi jinady, dep habarlaidy Sputnik bilim jáne ǵylym ministrligine silteme jasap.
"Qudaibergenova Shiara Ábdirahymqyzy, Almaty qalasynyń №123 mektep-gimnaziiasynyń túlegi, eń joǵary ball jinady – 140. Shiara 25 maýsymda Ulttyq agrarlyq ýniversitet bazasynda test tapsyrǵan. Shiara men onyń ata-anasyn, ustazdaryn quttyqtaimyz", — delingen baspasóz qyzmetiniń habarlamasynda.
Biyl mamyr aiynda Ulttyq testileý ortalyǵynyń direktory Ramazan Álimqulov UBT-dan eń joǵary ball jinaǵan alǵashqy túlekke smartfon syilaitynyn málimdegen. Búgin ortalyq basshysy aitqan sózinde turatynyn habarlady.
"Ortalyq kommýnikatsiialar qyzmetinde juma kúni syilyqty tabys etý úshin qorytyndy baspasóz máslihatyn ótkizgimiz keledi. Bizdiń qyzmetkerler qazir túlekpen habarlasyp jatyr, múmkindik bolsa, Astanada quttyqtaimyz, bolmasa, syilyqty berip jiberemiz. Almatydaǵy Ulttyq testileý ortalyǵy ókilderi ony quttyqtaidy. Búgin Esilden telefon satyp alamyn. iPhone-nyń qai modeli ekenin áli sheshken joqpyn, eń bastysy kóńil ǵoi. Túlekterge qoldaý kórsetip, joǵary jetistikke umtylýǵa sep bolady", – dedi Ulttyq testileý ortalyǵy Ramazan Álimqulov.
Ulttyq biryńǵai testileý 20 maýsymda bastalǵan. UBT-ny biyl 102 447 túlek tapsyrady.
