Almatyda Qyzdar pedagogikalyq ýniversiteti ǵalymdarynyń jobasy úzdik dep tanylyp, 51 mln teńgeniń grantyn utyp aldy, dep habarlaidy "Ult aqparat".
«Kóne túrkilerdiń dúnietanymyndaǵy kontseptiler júiesi» atty joba 2021-2023 jyldarǵa arnalǵan ǵylymi jáne ǵylymi-tehnikalyq jobalar boiynsha granttyq qarjylandyrýǵa arnalǵan konkýrsqa qatysqan. Jobany jasaýǵa shetel tilderin oqytý ádistemesi kafedrasynyń oqytýshylary Aqshaiym Jalalova, Aqjarqyn Ábýova, Nurgúl Qalieva, Botagóz Sazaeva jáne Áliia Zadahanova atsalysqan.
«Bul joba QR Bilim jáne ǵylym ministrligi Ǵylym komitetiniń granttyq qarjylandyrý konkýrsy talaptaryna sáikes dep tabyldy. 2021-2023 jyldar aralyǵynda ǵylymdy damytýdyń Bilim berý jáne lingvistika salasyndaǵy ózekti máselelerdi zertteý baǵyty boiynsha júzege asyrylady», – deidi jobanyń ǵylymi jetekshisi filologiia ǵylymdarynyń doktory, professor Gúlbaný Qosymova.
Joba avtorlary Elbasynyń «Rýhani jańǵyrý» baǵdarlamasy aiasynda kóne túrkiler dúnietanymyndaǵy kontseptiler júiesin anyqtaýdy maqsat tutyp otyr. Sondai-aq, jobany Abaidyń «Tolyq adam ilimi» tujyrymyna sáikestendirip, qazaq dúnietanymyndaǵy kórinisin negizdeý kózdelgen.
